1. قصيدة دغيم الظلماوي الشلاقي الشمري
ياكليب شب النار ياكليـب شبـه ***** عليك شبه والحطب لـك يجابـي
وأنا علي ياكليـب هيلـه وحبـه ***** وعليك تقليـط الـدلال العذابـي
الوالمه ياكليـب عجـل بصبـه ***** والرزق عنداللي ينشي السحابـي
وإدغث لها ياكليب من جزل خبه ***** وشبه ليا منه هبـا كـل هابـي
أبـي ليـا شبيتهـا ثـم قـبـه ***** تجلب ربـع سـرات(ن) غيابـي
بنسرية(ن) ياكليب صلف مهبـه ***** ليا هب نسناسه تقـل سـم دابـي
متكتفيـن وناطحـيـن مهـبـه ***** متلطميـن وسوقهـم بالعقـابـي
صبه لقرم صرفته ما حسب بـه ***** يوم البخيل مكنهب الوجه هابـي
وصبه لمنعور مـن جـاه نبـه ****** يرخص بعمره والدخن له ضبابي
وعده عن اللي مايداري المسبـه ***** اللي يـدور بالقصيـر الغيابـي
لياباطن الهلبـاج خطـو الجلبـه ***** يازين تالي الليل خبـط الركابـي
افرح لهم وابدي سـلام المحبـه ***** ليا شح بالهيـن كبيـر العلابـي
سلام احلى مـن شخاليـل جبـه ***** واحلى من السمن الجديد الرعابي
وخطو الولد يـوم الملاقـا نكبـه ***** يصير معنا من حساب الزهابـي
وش عاد لو يلبس زبـون وجبـه ***** معيرة علـى غضيـر الشبابـي
أنا لقيت الصبـر يازيـن غبـه ***** يرقيك روس مشمرخات الهضابي
ومن لا صبر ياكليب في حكم ربه ***** هذاك يوم البعـث مالـه ثوابـي
2. قصيدة محمد القاضي
يا مل قلب كـل مـا لتـم الأشفـاق**من عام الاول به دواكيـك وخفـوق
|
كنه مـع الـدلال يجلـب بالأسـواق**وعامين عند معزل الوسـط ماسـوق
|
يجاهد جنود في سواهيـج الاطـراق**ويكشف له اسرار كتمهـا بصنـدوق
|
الى عن لي تذكار الاحباب واشتـاق**بالي وطاف بخاطري طاري الشـوق
|
دنَّيت لك من غالـي البن مـا لاق**بالكف ناقيها عـن العـذف منسـوق
|
احمس ثلاث يا نديمـي علـى سـاق**ريحه على جمر الغضى يفضح السوق
|
وايـاك والنيـة وبالـك والاحـراق**واصحا تصير بحمسة البن مطفـوق
|
الى اصفر لونه ثم بشـت بالاعـراق**وغدت كما الياقوت يطرب لها الموق
|
وعطت بريح فاخـر فاضـح فـاق**ريحه كما العنبر بالانفـاس منشـوق
|
دقـه بنجـر يسمعـه كـل مشتـاق**راع الهوى يطرب الي دق باخفـوق
|
ولقـم بدلـة مولـع كنهـا ســاق**مصبوبـة مربوبـة تقـل غرنـوق
|
خله تفوح وراعـى الكيـف يشتـاق**الى طفح له جوهـر صـح لـه ذوق
|
أصغر قموره كالزمـرد بالاشعـاق**واكبارها الطافح كما صافي المـوق
|
زله على وضحا بها خمسـة ارنـاق**هيل ومسمـار بالاسبـاب مسحـوق
|
مع زعفران والشمطري الى انسـاق**والعنبر الغالى على الطـاق مطبـوق
|
فلـى اجتمـع هـذا وهـذا بتيفـاق**صبه كفيت العوق عن كـل مخلـوق
|
بفنجال صين زاهى عنـد الارمـاق**يغضى بكرسيه كما اغضي غرنـوق
|
الي انطلق من ثعبتـه تقـل شبـراق**أو دم جـوف امـزع منـه معلـوق
|
خمر الـى منـه تسلسـل بالاريـاق**وعليه مـا صافـي الـورد مذلـوق
|
راعيه كنـه شـارب ريـق تريـاق**كاس الطرب وسرور من ذاق له ذوق
|
يحتاج من خمر السكارى إلـى فـاق**طفل تمـز شفـاه والعنـق مفهـوق
|
عبث يميل بحبتـه مـا بعـد مـاق**وهو يزاهي باهـر البـدر بعشـوق
|
بين اشفتيه الـى غنـج حـق بـراق**عجل رفيفه بالطها يعطـى اطبـوق
|
سطر كتب من حبر عينه بـالأوراق**خديه صاديـن ونونيـن مـن فـوق
|
كن العرق بخدودها حمـر الارنـاق**ينثر على الوجنات باللـون مشعـوق
|
بالعنق كـن المسـك والخـد بـراق**والمشخص بصدره كما الشاخ مدقوق
|
يمشى برفق خايـف مدمـج السـاق**يفصفم حجول ضامها الثقل من فـوق
|
الى حصـل ساعـة وانـت مشتـاق**فاقطف زهر مالاق والعمر ملحـوق
|
فيلا حضر ماقلت عنـدي فـالارزاق**بيـد كريـم كافـل كـل مخـلـوق
|
وصلاة ربي عد مـا بـارق حـاق**على النبي الهاشمـي خيـر مخلـوق
|
3. قصيدة مبارك العبيكة
يابان ضو الصبح قلطت محماس = على وهج جمر توقد سناها
ازين الحمسه على غايه الراس = تبري القلوب اللي تعالج غثاها
واقصر لها الطبخه على الكيف بقياس = وقلبتها بالنجر حين استواها
نجرا ليا حرك تقل ضرب نحاس = دب الليالي مايبطل عواها
ولقوم بدله مولع مالها اجناس = من حب صنعا عابي له عباها
وصبه لمن حولك على الزبر جلاس = هل السموت اللي بعيد مداها
واثنه لممرور على الخيل مدباس = تقفي عنه صم الرمك يانصاها
من فوق ماتاخذ على الخيل مرواس = ياجدعت سهلات الانفس حذاها
يقول مبارك هرجت مابها باس = تطرب لها كرام اللحا من حلاها
طول الجدار وقصرت الرجل نوماس = ياعاد ماللرجل داع دعاها
خلك على بابك تقل لون حراس = ياجو عليهن محترينن عشاها
تصير بعيون الرفاقه معك باس = ياصار ماتدعى تره من عناها
يصير قالات ويصير لولاس = ونوب من الادنين ياتي بلاها
ابي اليا جو فوقهن مثل الاقواس = يالفوا عليهن ضمرن من خلاها
ياجو مع الخل الشمالي له اضراس = والكل تشكي رجلها من حفاها
نحيي بهم من قبل تجديع الالباس = نقلطلهم تمر الحلا من نماها
ونذبح لهم كبش يربى بالاطعاس = ونقلطه من حين غيبة مساها
هذاك سلم جدودنا قبل من راس = واللي بعدنا كان ربي هداها
4. قصيدة عياده العبيكه
ياضاق بالي جبت وقدت جثامير =شبيت نار مثل نار الحرابه
ثم احترفت وجبت هدف المناقير = يركن على جمر عقاب التهابه
وحطيت محماس على مجنب الكير = وفهقتها من قبل يبدي خرابه
وصفقتها بمبرد به دواوير = شغل الشدوخي صانعه لي وجابه
وصفقتها بمنبه كنه الزير = اصفر ينادي الابسين العصابه
ياتي على حسه ضيوف ومسايير = وصكو على جال المناره حبابه
ولقمت بدله مولع به تفاخير = ومن حب صنعا عابي له زهابه
واصفه على مثل الزبيدي مغاتير = ياشافته العذراء تمنى خضابه
ياشفه الطرقي مثل بلجة الطير = يشع وجه عقب وسم الخلابه
ويبرا لها من مير غيد مباكير = حزة جداد الغيد وذوبة رطابه
مع وسط ربعي متعبين المباهير = ياجيت او جاني بدا مرحبابه
ياروحو مع الخل الشمالي دعاثير = يشرهن باليمنى تحنى رقابه
ان سانعة نحط راس مع المير = وان عاضبت يسد قولن هلابه
ابي اليا جونا اضيوف ومسايير = وتجمعو من شاف شي حكابه
واللي بقلبه شين ماهو على خير = تبدي مصابيحه على من سرابه
ملاحظه:ماقيل في القهوه اكثر من ذلك ان لم نقل أن اغلب الشعراء ذكرو القهوه , لكن هذه من اجمل القصائد
التي قيلت فيها وجميعها مرتبطه بقصص ودلالات لم يسع ذكرها او البحث عنها.
_________________
موضوع: اجمل القصائد التي قيلت بالقهوه 
2008-03-05, 9:36 pm
