عندما كان مريضا في لندن في شهر شوال من عام 1385هجري حيث بعثها إلى المرحوم الأمير فهد بن سعد يشكو فيها

قسوة المرض حيث قال :


يا بو سعد صارت على أخوك غارات
شهرين أقاسي من شديد الغرابيل

سوالمرض يحمل على أخوك حملات
مافي يدي حيله ولا في يدي حيل

والله فزع من فوق سبع السماوات
وأنا أحمد الله يوم صارت تساهيل

ماينفع الخايف والأيام عجلات
الخوف ماينفع ولا القول والقيل

حنا هل العوجا ولابه مراوات
شرب المصايب مثل شرب الفناجيل

لاشك أنا مشغول في كل الأوقات
على الذي حنـــــــــا بظله رجاجيل

ماني على نفسي كثيرالحسافات
لا سلم راسه روسنا رفاع با لحيل

حامي حمانا بالليالي المخيفات
لو صار بالــــــعالم كثير الزلايل

فخر العروبه بالعدل والمساواه
هذاك هو فيصل ولا فيه تشكيل

يشهد له اللي شاهدوا منه ليات
ويشهد له التاريخ جيل بعد جيل


اجابه الامير

فهد بن سعد رحمه الله بهذه القصيده :

يامرحبـا بكتـاب زبـن المـخـلات
اهـلا هلابـه عـد وبـل الهمالـيـل

حمـدت مـن زال الكـدر بالمسـرات
فكـاك مـن صكـت عليـه المحابيـل

فـزع لـك اللـي عالـم بالخفـيـات
مبري جروح ايوب غيـث المراميـل

لعل مايزعـج علـى فقـدك اصـوات
ولعلهـا لـك يابـو فيصـل تساهيـل

الله يجيـرك مـن صواديـف الافـات
عسـاك تسلـم ياعشيـر المشاكـيـل

ماانـت برخيـص ياربيـع القرابـات
لو هي بالايدي كـان دونـك حلاحيـل

ترا لنـا بـك يافتـى الجـود هقـوات
في وقتنـا الحاضـر وباللـي مقابيـل

يفـداك ربـع قـصـروا بالمهـمـات
اللي علـى القـالات ماتنطـح الشيـل

بعض العرب حي ومن عرض الاموات
مايرتجـي نفعـه بحـل المشاكـيـل

وفيصـل ذرانـا بالسنيـن المخيفـات
هو درعنا الضافي الى ضدنـا الميـل

اللـي نقـل عنـا حمـول ثقـيـلات
راس الحصيـل ان كملـن الحصيـل