ادخل وقل رايك

موضوع: ادخل وقل رايك 2007-07-03, 2:46 am

كيف حالكم شباب

اليوم نبي نناقش قضيه وهي قضيه جلوس الشباب صغار السن التي تتراوح اعمارهم بين 12الى 18 سنه

في الا ماكن المعزوله

وزوايا الا بنيه والجلوس عند البقالات

والمشكله تكمن انهم يجلسون بساعه وساعتين والثلاث مايسوون شي

والكل عارف ان الجلسات هذي ماتجيب غير الفساد الاخلاقي والديني

وقال الشاعر
إن الشباب و الفراغ والجدة ّّ مفسدة للمرء أي مفسدة

ذالك اي عضو يدخل يقول رايه في الموضوع وماهو الحل المناسب والواقعي لحل المشكله

ودمتم بخير

_________________

موضوع: رد: ادخل وقل رايك 2007-07-03, 12:42 pm

والله الحلول كثيره من وجهة نظري والشاب من حقه ان يخرج ويجالس اصحابه ويخرج طاقه او الطاقه المكبوته جراء ضغوط الحياة

ولو توفر للشباب مكان مثل استراحة او ملعب مخصص لمن في سنهم لما جلسو في الشارع وامام البقالات فالشاب بحاجه الى الترفيه عن نفسه

الحل

تجد الان اغلب العوائل او القبائل لديهم استراحة خاصه بهم اطفال وشباب وشيوخ والكل في نفس الاستراحة

لذلك الشاب ينفر منها لانه لاياخذ راحته في الكلام او غيره لان تطلاعاته واتجاهاته تختلف عن كبار السن والاطفال

وانا ارى ان الحل هو استراحة تابعة لاستراحة الجماعة على مسافه منها تكون خاصه بالشباب وفي الوقت نفسه تكون تحت اعين كبار السن

موضوع: ماتلومه 2007-07-03, 1:10 pm

والله ماتلومه لانه شباب صغار لكن تلوم ابوانهم الى مدشرينهم تقل غنم

لوتضيع غنمه راح يدوره ولا ينام الا يما يلقاه وعياله ينام ومايدري هم بالبيت والا برا
_________________

موضوع: رد: ادخل وقل رايك 2007-07-04, 12:15 am

في وجهة نظري في هذا الموضوع أن المسؤلية ليست فقط على الأباء ولاكن الكل مسؤول عن هؤلاء الشباب من أمهات وأخوان وأخوات , وهذا مصداق قول الرسول صلى الله عليه وسلم { كلكم راع وكلكم مسؤول عن رعيته }

موضوع: رد: ادخل وقل رايك 2007-07-04, 3:46 am

ركزو معي شباب المشكلة عامه وبدأت تنتشر انتشار النار بالهشيم

الحياة سلسلة من المشاكل ،، ونحن يجب ان نعيش مع المشاكل بل يجب ان ندخل بعمقها حتى نجد لها حل او على الاقل نقلل من خطرها،،

الشباب الصغار الله يصلحهم ماهم مثل اول مافي عندهم وقت يسرح بالغنم ويركض طول نهاره يوم يجي الليل يقع وينام
هالحين عندهم وقت فااااااضي والبيئه حوله غابه والاباء غافلين ولاهين بدنياهم

1- هالحين طلعنا بجزء من المشكله ((( الوقت الفاضي ))) الجزء رقم (1)

2- اول الاباء ماعندهم مشاغل مثل هالايام الان (((الاباء مشغووووووووووووووولين))) الجزء رقم (2)

3- الفاضي من الاباء الله يطول اعمارهم يبي يربي ولده نفس ما رباه ابوه ((هاي وين وهاي وين )) الدنيا تغيرت
تربيه زي اول وهو يشوف القنوات ويلعب بليستيشن ويركب سياره وهو بالمتوسط ويدخل انترنت ووو
الجزء رقم (3)

********** الاجزاء الثلاث اللي ذكرتهن جزء من كل وليست كل المشكله ************

الآن عندنا مشكله اكيد تبي حل ،،،
الجزء رقم (1) : الحل المتوقع هو شغل وقت فراغهم شغلهم العب معهم اطلع البر افتح استراحه اعمل لهم دوري كورة قدم الحلول كثيره ياشباب

[color=sienna]الجزء رقم (2) : يجب ان يعرف الاب ان رأس ماله ولده ان اصلحه الله فلا يصرف كل وقته بجمع الفلوس ومطاردت الحلال ومايدري ولده وين يروح ومع من ومتى ينام طبعا مااقصد انه يتابع كل حركاته لكن يعطيه جزء من وقته[/color]

الجزء رقم (3) : ان الاب اوالام او الاخ الكبير يصارح ولده ويخاويه ويحاول يصير شبابي معه يكسر الحاجز بينه وبين ولده من صغره يعوده على الصراحه واذا بغى حاجه او فلوس يجيه على طول مايرسل امه او اخته
وان الاب يطور تفكيره عشان يفهم متطلبات هالوقت وان الكف والضرب ماعاد تنفع مو مثل مارباه ابوه

ارجو ان تقبلوا اجتهادي في محاولة إيجاد حل بسيط من واقع تجربتي التربويه البسيطه في هذا المجال
الله يصلح الجميع ،،، والف شكر لمن حرك هذا الموضوع الهام للنقاش ،،، ودمتم بخير

_________________
خلّ الحكي يالله معي نقطع البيـد
يمكن نلاقي في فضـا البيـد راحـه
الله مـن طـول العنـا و التناهـيـد
و الله مـن ليـلٍ تأخـر صبـاحـه
ضجّ الرصاص و مَلّ سجن البواريد
متى على الباغيـن نطلـق سراحـه

موضوع: رد: ادخل وقل رايك 2007-07-06, 2:02 am

الحل الاهتمام بالوقت بما ينفع بتخصيص وقت محدد للعب ووقت لتلاوة القرأن والجدير بالذكر انه يوجد حلقات لتحفيظ القرأن بالرديفه بعد صلاة العصر يوميا
ووقت لمساعدة الاهل بما يحتاجونه
ووقت للجلوس مع العائله والاهل
ووقت للنوم والراحه وعدم السهر الطويل
والتناصح بين الجميع
والله الموفق

موضوع: رد: ادخل وقل رايك 2007-07-07, 10:35 pm

مشكووررين على الردود ياخوان

ونتمنى ان نكون خرجنا فى فايده من الموضوع وليس المشاركه فقط
_________________